0SubscribersSubscribe
31,098FansLike

लकडाउनमा भोकमरीको सिकार भए सूर्यबहादुर तामाङ, भारी बोक्नेको सडक बन्यो मृत्यु शैय्या

खबरहरु

बौद्ध धर्मको उद्गमस्थल नेपाल हो : परराष्ट्र मन्त्रालय

भारतीय विदेशमन्त्री एस. जयशंकरले नेपालको लुम्बिनीमा जन्मिएका गौतम बुद्धलाई महान भारतीय भनेर अभिव्यक्ति दिएपछि नेपाली सञ्चालमाध्यमले नेपालको...

अमेरिकाको पेन्सलभेनियाबाट तामाङभाषी किशोरी बेपत्ता

बस्टन : अमेरिकाको पेन्सलभेनियाबाट नेपालीभाषी किशोरी हराएकी छन्। १४ वर्षीया शबिका तामाङ बुधबार पेन्सलभेनिया राज्यको डौफिन काउन्टीस्थित स्वट्यारा...

याम्बु – टालेका लुगा, फाटेका चप्पल, काँधमा नाम्लो बोकेर कीर्तिपुरको सडक र गल्लीमा भारी बोक्दै गुजारा गर्ने सूर्यबहादुर तामाङको आइतबार जीवनको अन्तिम दिन हुन पुग्यो । कसैलाई थाहा थिएन, पिठ्युँमा भारी बोक्दै कीर्तिपुरका घरघर पुग्ने सूर्यबहादुरको पाइला कहिल्यै नचल्ने गरी एक्कासि रोकिन्छन् भनेर । नाम सूर्यबहादुर भए पनि सुर्जबहादुर भनेर चिनिने उहाँको जीवनको सूर्य एक्कासि अस्ताउन पुग्यो । हातमा भारी बोक्ने नाम्लो बोकेरै उहाँ कहिल्यै नउठ्ने गरी सुत्नुभयो ।

सूर्यबहादुरले कोठा सर्ने विद्यार्थीदेखि कीर्तिपुरमा बस्ने मानिसका सामानहरु घरसम्म पुर्याउने काम गर्नुहुन्थ्यो । त्यसैले उहाँलाई धेरैले चिन्ने गर्थे । उहाँको बस्ने आफ्नो कोठा थिएन । पाटीमै रात कटाउनुहुन्थ्यो । कहिले पिठ्युँमा खाट, कहिले काँधमा ग्याँसका सिलिण्डर बोक्दै सडक र गल्लीमा हिँड्नुहुन्थ्यो । बिहानदेखि बेलुकासम्म गरुङ्गो भारीले थिचिएका दिनहरु ब्यतित गर्नुपरे पनि सूर्यबहादुरले कहिल्यै थकान महसुस गर्नुभएन । अन्तिम साससम्म आफ्नो कर्ममा अडिग रहनुभयो ।

कोरोना भाइरस नियन्त्रणको लागि सरकारले घोषणा गरेको लकडाउनको ६२ औँ दिन अर्थात् जेठ ११ गते उहाँको निधन भयो । कीर्तिपुर वडा नम्बर १० को चिथुमा रहेको मङ्गल माध्यमिक विद्यालयनजिकैको फुटपाथमा उहाँलाई छटपटाइरहेको अवस्थामा देखेपछि केही स्थानीयले प्रहरीलाई खबर गरेको स्थानीय पत्रकार वीरेन्द्र शाक्यले बताउनुभयो । प्रहरी र वडाका जनप्रतिनिधिले अस्पताल लैजाँदै गर्दा उहाँको निधन भएको कीर्तिपुरका डिएसपी छेदीलाल कामतीले बताएको उज्जालोअनलाइनमा समाचार छ ।

मर्ने दिन पनि भारीले छोडेन

मर्ने दिन बिहान पनि सूर्यबहादुरले दाउराको भारी बोकेर तलतिर जाँदै गरेको स्थानीयले देखेको पत्रकार शाक्यले बताउनुभयो । दिउँसो शव देख्दा स्थानीय पनि आश्चर्यमा परे । लकडाउन सुरु भएपछि कीर्तिपुरका पसलहरु खुल्न छाडे । चैत २३ गतदेखि कीर्तिपुरका युवा व्यवसायीले तामाङजस्तै दैनिक ज्याला मजदुरी गर्नेहरुका लागि निःशुल्क खाना केन्द्र सञ्चालन गरेपछि उहाँले पनि त्यहीँ खाना खाँदै आउनुभएको थियो ।

वैशाख मसान्तसम्म उहाँको छाक यसरी नै टर्यो । त्यसपछि उहाँको खानाको जोहो कसरी भयो भन्नेबारे कसैलाई थाहा भएन । लकडाउन नखुल्दै आफ्नो जीवनको भारी बिसाउनुभएका सूर्यबहादुर केही दिन या केही छाक भोको रहेको हुनसक्ने कीर्तिपुरका डिएसपी कामतीको अनुमान छ ।

पाटी नै घर थियो

बिस/पच्चिस वर्षसम्म भारी बोक्दा पनि सूर्यबहादुरले हरेक रात पाटीमै बिताउनुभयो । जेठको चर्को गर्मी होस् या पुसको कठ्याङ्ग्रिदो चिसो, न उहाँले पाटी छोड्नुभयो, न पाटीले उहाँलाई छोड्यो । भारी बोक्न नसकेको वेला उहाँले चिनेजानेकासँग मागेर खानुहुन्थ्यो ।

लकडाउन सुरु भएपछि होटल र पसल बन्द भयो । तामाङको भारी बोक्ने काम लगभग ठप्प भयो । जाँडरक्सी खाने बानी भएका तामाङको स्वास्थ्य बिग्रिँदै गयो । खानाको अभावमा उहाँको ज्यान गएको हुन सक्ने डिएसपी कामतीको भनाइ छ । धादिङ घर बताउने तामाङको पारिवारिक अवस्थाबारे खोजी भइरहेको छ ।

उहाँको शव पोष्टमार्टमको लागि त्रिवि शिक्षण अस्पतालमा राखिएको छ । रिपोर्ट आउन कम्तीमा ५ दिन लाग्ने डीएसपी कामतीले बताउनुभयो ।

उहाँलाई आफ्नो आफन्त बताउने अहिलेसम्म आफन्त आएका छैनन् । उहाँको आफन्तको खोजी गर्ने काम भइरहेको कीर्तिपुर नगरपालिका वडा नम्बर १० का अध्यक्ष अमन महर्जनले बताउनुभयो । रिर्पोट आउने वेलासम्म कसैले मेरो मान्छे भन्ने दाबी गरे उसैलाई शव बुझाउने अध्यक्ष महर्जनको भनाइ छ । कोही दाबी गर्न नआएपछि मात्र शवलाई के गर्ने भन्नेबारे निर्णय गरिने उहाँले बताउनुभयो । फीड: तामाङ अनलाईन

तपाईंको प्रतिक्रिया दिनुहोस

कृपया आफ्नो प्रतिक्रिया प्रविष्ट गर्नुहोस्!
कृपया आफ्नो नाम

 

ताजा अपडेट

बौद्ध धर्मको उद्गमस्थल नेपाल हो : परराष्ट्र मन्त्रालय

भारतीय विदेशमन्त्री एस. जयशंकरले नेपालको लुम्बिनीमा जन्मिएका गौतम बुद्धलाई महान भारतीय भनेर अभिव्यक्ति दिएपछि नेपाली सञ्चालमाध्यमले नेपालको परराष्ट्र मन्त्रालयको आधिकारिक धारणा मागेपछि...

अमेरिकाको पेन्सलभेनियाबाट तामाङभाषी किशोरी बेपत्ता

बस्टन : अमेरिकाको पेन्सलभेनियाबाट नेपालीभाषी किशोरी हराएकी छन्। १४ वर्षीया शबिका तामाङ बुधबार पेन्सलभेनिया राज्यको डौफिन काउन्टीस्थित स्वट्यारा टाउनशिपबाट हराएकी हुन्।

इजरायलबाट पत्रकार तथा कलाकार देव लामाको उपचारको लागि आर्थिक सहयोग प्रदान

तेलअविव| नेपाल तामाङ घेदुङ,इजरायलका प्रमुख संरक्षक कल्पना मोक्तान तामाङको सकृय पहलमा सेवा नै धर्म हो भन्ने मुल मन्त्रलाई आत्मसात गरि मकवानपुरवासी हाल...

यो पनि हेर्नुहोस्

- Advertisement -
- Advertisement -